The Trouble With Good Beginnings

Chapter 8

“I’M SORRY. It was my fault.” Puno ng pagsisising wika ni Hailey habang pinagmamasdan ang pag-

eempake ni Cedrick pabalik sa Pilipinas. Kahit na wala itong sinasabi sa kanya ay alam niyang

nasasaktan ito dahil bakas iyon sa mga mata nito.

Tinawagan ng kanyang mga magulang ilang gabi na ang nakararaan si Cedrick at ipinaalam na

ikakasal na ang kakambal niya. Gusto ng mga itong imbitahin ang binata. Hindi alam ni Hailey ang

bagay na iyon dahil iniwasan niyang makibalita sa mga nangyayari sa Pilipinas. Pinalitan niya ang

numero niya para hindi siya ma-contact ng kanyang pamilya dahil sa kauna-unahang pagkakataon ay

ayaw niya nang maging pasakit pa sa mga ito. But in the process, she became Cedrick’s burden.

“Pero ikakasal pa lang naman siya. May pag-asa ka pa.”

“Ang pag-asang makita siya bago siya ikasal ang siyang meron na lang ako ngayon, Hailey.”

Mariing nakagat ni Hailey ang ibabang labi. Mula noon hanggang ngayon ay kontrabida talaga siya sa

buhay ng mga taong nakapaligid sa kanya. Iyon siguro ang dahilan kaya pinarurusahan na siya ng

tadhana. “Baka magbago pa ang isip niya kapag inamin mo ang nararamdaman mo para sa kanya.”

“What for?”

“Holly loved you first, Rick.”

Natigilan ang binata. Mga bata pa lang sila ay mahal na ni Cedrick si Holly at alam niyang ganoon rin si

Holly. Ang dalawa ang orihinal na malapit sa isa’t isa. Parating magkasama ang mga ito noon.

Napansin iyon ng mga magulang niya at nag-alala. Palihim na kinausap ng mga ito si Cedrick sa library

ng kanilang mansyon noon. Alam ni Hailey ang lahat ng iyon dahil palihim na sumunod siya sa mga ito

noon at nakinig sa usapan ng mga ito.

Tinanong ng mga magulang kung ano ang nararamdaman ni Cedrick para kay Holly. Dinig na dinig

niya ang ginawang pagtatapat ng binata. Pero masyado pa raw bata ang mga ito lalo na si Holly.

Nangamba ang mga magulang niya na baka maging mapusok ang dalawa lalo na at parating

magkasama. Kaya ang mga magulang niya ang kumumbinse kay Cedrick na sundin ang suhestiyon ng

ama nito na sa ibang bansa na magpatuloy ng pag-aaral. Kung sa pagbabalik daw ng binata sa bansa

at pareho pa rin ang nararamdaman nito at ni Holly para sa isa’t isa ay hindi na daw pipigilan ang mga

ito ng mga magulang niya.

Tumupad si Cedrick sa usapan at bumalik sa Pilipinas may dalawang taon na ang nakararaan. Pero

nakialam si Hailey. Nang malaman niyang bumalik na sa sariling bansa si Cedrick ay sumunod na rin

siya roon mula New York. Dahil mahal niya rin ang binata. Ilang ulit niya itong binisita noong nag-aaral

pa ito pero iba ang parating hinahanap nito. Nagrebelde siya lalo na at noong bumalik na ang binata sa

Pilipinas ay malaya na nitong nakakasama si Holly.

Isang araw ay nagpanggap si Hailey bilang Holly. Isinuot niya ang mga damit ng kakambal at ginaya

ang mga kilos nito. Noong panahong iyon ay alam niyang parating rin si Holly sa mansyon nina Cedrick

dahil may usapan na magkikita ang mga ito. Naghanda si Cedrick at ipinaayos ang buong hardin roon

dahil alam niyang plano na nitong magtapat sa kakambal niya. Hinalikan niya ito at dahil ang akala nito

ay siya si Holly ay agad itong gumanti ng halik, isang tagpo na siyang naabutan ng kakambal niya.

Nang oras din na iyon ay idineklara niyang may relasyon na sila ni Cedrick sa pagkabigla ng dalawa.

Holly immediately walked out. Mukhang hindi na nito napuna ang bihis niya dahil pinangunahan na ito

ng emosyon nito. Iyon ang kauna-unahang pagkakataon na nakita ni Hailey na nagalit ng husto si

Cedrick.

“You’re Hailey all these time?” Naalala niyang hindi makapaniwalang bulalas pa ng binata matapos

magtatakbo ni Holly palayo.

“How could you!” Sunod-sunod na mararahas na hininga ang pinakawalan ng binata. Alam ni Hailey na

natutukso na itong saktan siya pero hindi nito ginawa. Mayamaya ay hinawakan siya nito sa braso at

hinila palabas. “Samahan mo ako, utang na loob. Tulungan mo akong ipaliwanag kay Holly ang lahat.

Maaayos pa namin ‘to-“

“Hindi na.” Bumitaw si Hailey mula sa pagkakahawak ni Cedrick.

“Hailey, what in the world are you doing-“

“Be mine, Rick.” Sa halip ay nakikiusap na wika ni Hailey. “Akin ka na lang. Mahal kita. Noon pa.

Bigyan mo ako ng chance at ipinapangako ko na-“

“Hailey,” Napahawak si Cedrick sa noo nito. “I’m flattered, believe me. But it had always been Holly for

me. Wala ng iba. Siya lang. Kaya kung totoong mahal mo ako, tutulungan mo akong maging masaya.

Tutulungan mo akong magpaliwanag sa kakambal mo-“

“Hindi!” Mariing sagot ni Hailey dala ng pinaghalong sakit at pagkabigo. “Kung hindi ka papayag na

makipagrelasyon sa akin, sasabihin ko kina mommy at daddy na paulit-ulit na may nangyari sa atin sa

Amerika pero ayaw mo akong panagutan.”

Malakas ang loob niyang sabihin iyon dahil alam ng mga magulang niya na madalas sila kung magkita

noon ni Cedrick sa Amerika, noon pang kaibigan ang turing nito sa kanya kaya pinakikiharapan siya

nito. Hindi nagawang makabisita noon ni Holly kay Cedrick dahil pinipigilan ng mga magulang. At

masunurin ito, marunong maghintay sa pinaniniwalaan nitong ‘tamang panahon’ hindi gaya niya.

Noong nasa New York siya ay madalas niyang puntahan si Cedrick. Ilang beses siyang nagpadala ng

larawan sa pamilya niya sa Pilipinas para inggitin si Holly. Hailey was that selfish. Ilang ulit rin siyang

naabutan sa condo ng binata ng mga magulang ni Cedrick. Ang akala pa nga ng mga ito noon ay sila

ng anak nito ang magkarelasyon.

“They won’t believe you.” Ani Cedrick mayamaya.

Tumaas ang isang kilay ni Hailey. “Really? At sinong mas paniniwalaan nila? Ikaw na hindi nila

kadugo? Na hindi nila nakasama ng ilang taon? I’m a Lejarde, Cedrick. They will believe me no matter

what. I have ways to make them do so.”

Dahil sa naging pamba-blackmail niya ay naging sila ni Cedrick pero sa mga mata lang ng ibang tao.

Alam niyang natatakot rin itong masira ang reputasyon nito sa pamilya niya pati na ang relasyon ng

ama nito sa kanyang pamilya lalo na at vice-president ng kompanya nila ang ama nito. Nabigla man

ang mga magulang ni Hailey ay tinanggap pa rin ng mga ito si Cedrick habang umiwas naman sa

kanila si Holly. Ilang bwan lang ang itinagal ng relasyon nila, kung relasyon nga ba iyong matatawag.

Sa huli ay hindi niya rin kinaya ang malamig na pakikitungo nito sa kanya.

Bago si Cedrick ay marami na rin naging boyfriend si Hailey sa pag-aakalang malilipat sa mga iyon ang

nararamdaman niya para sa binata pero nagkamali siya. Iyon ang dahilan kaya hindi tumagal ang mga

naging relasyon niya sa iba. Matapos nilang opisyal na maghiwalay sa mga mata ng lahat ay naging

abala si Cedrick sa trabaho dahil tuluyan ng ipinamana ng tiyuhin nito ang pag-aari nitong ospital sa

binata. Naging director si Cedrick roon. Ang alam ni Hailey ay nagkasunod-sunod ang mga

problemang kinaharap noon ng ospital.

Ilang bwan ang lumipas bago nagawang puntahan muli ni Cedrick si Holly pero naging mailap na rito

ang kanyang kakambal. Iyon na ang huling balita niya dahil kung ano-ano nang komplikasyon ang

pinasok niya matapos ang relasyon nila ni Cedrick. Hanggang isang araw ay nakilala niya si Athan

Williams. More crazy and unexpected things happened that drew her and Cedrick together in the

States. Sinamahan siya ng binata sa Amerika.

Dahil sa kanya ay lalong naudlot ang dapat ay panunuyo muli ni Cedrick kay Holly. At ngayon ay

ikakasal na ang kakambal sa isang lalaking nagngangalang Aleron Silva. Napailing si Hailey. Katulad

pa iyon ng pangalan ng kapatid ni Athan.

“Sana nga ay pwede kong panghawakan ang sinabi mong ‘yan, Hailey. Pero pareho nating alam na

hindi lahat ng unang minamahal, nagtatagal. Not because I was lucky to be the first man she fell in love

with would mean I would also be the last.”

Nahinto sa pag-iisip si Hailey nang marinig ang mga sinabing iyon ni Cedrick. Muling bumalik ang

atensyon niya sa binata. Tapos na ito sa pag-eempake. “Bakit ikaw, hanggang ngayon ay mahal mo pa

rin si Holly?” Hindi na sumagot ang binata. Lalong bumigat ang nararamdaman niya. “Sana kahit

minsan, sumbatan mo man lang ako, Cedrick. Sana sisihin mo naman ako sa mga nagawa kong

pagkakamali sa ’yo para gumaan naman ang loob ko.”

Tumayo si Cedrick mula sa kama at hinila ang maleta nito. Lumapit ito sa kinauupuan niyang couch.

Handang-handa na ito sa pag-alis.

“Many times, I must admit, I wanted to blame you, Hailey. Ginusto kong magalit sa ’yo pero hindi ko

magawa. Maybe because at the end of the day, pareho lang tayong tanga.” Nagkibit-balikat si Cedrick.

“Mga tangang naipit sa isang sitwasyon.” Marahang hinagkan nito sa noo si Hailey. “I hate to leave

you.” Puno ng pag-aalalang wika nito.

“I know.” Bahagyang napangiti si Hailey. “Because you are one heck of a good man. Pero tama na,

Rick. Wala ka namang obligasyon sa akin. Tapusin mo na ang mga paghihirap mo sa akin. Leave. I

can take it from here.” Ilang sandaling pinakatitigan siya ng binata bago siya nito mahigpit na niyakap.

Mayamaya ay naglakad na ito palayo.

Mariing naipikit ni Hailey ang mga mata kasabay ng tahimik niyang pagluha. Diyos ko po, pahingi

naman ng kaunting lakas.

GUMUHIT ang masayang ngiti sa mga labi ni Holly habang pinagmamasdan si Cedrick na nakaupo sa

stool sa tabi niya sa maliit na hardin ng bahay niya. Ikinabigla niya ang pagdating nito nang gabing iyon

lalo na at wala itong pasabi. Ganoon pa man ay masaya siyang makita itong muli.

Bago si Jazeel ay si Cedrick ang orihinal na matalik na kaibigan ni Holly. Naging malapit lang sila ni

Jazeel sa isa’t isa nang umalis na si Cedrick patungong Amerika para doon ipagpatuloy ang pag-aaral

nito. Bago dumating si Aleron ay si Cedrick rin ang orihinal na sandigan niya, ang kauna-unahang

lalaking kinilala ng puso niya. Matagal-tagal na rin silang walang komunikasyon nito simula nang

iwasan niya ito. But seeing him that night made her realized just how much she had missed him.

Ngayong nagagawa na ni Holly na makaharap si Cedrick ng walang sakit na nararamdaman ay doon

niya lang nasimulang punahin ang pangungulila niya rito hindi na sa mas mataas na lebel kundi bilang

kaibigan.

“Ceddie?” Mahinang tawag niya rito sa nakasanayan niyang palayaw nito nang mapansing para bang

nahulog ang binata sa malalim na pag-iisip habang patuloy na nakatitig sa kanya. Nasorpresa siya

nang makita ang pagrehistro ng matinding sakit sa anyo nito. Kasabay niyon ay bahagyang natensyon

si Holly.

Ganoong-ganoon siya kung tingnan noon ni Cedrick noong bago ito umalis ng Pilipinas at noong

magbalik ito. He was looking at her with those eyes, eyes that once upon a time, made her believe that

Cedrick had feelings for her. Mayamaya ay naipilig niya ang ulo. Ano ba itong mga pinag-iisip niya?

“What’s the matter?”

“Your father called me less than two weeks ago. Inimbitahan niya ako sa kasal mo. I came back to

Manila rushing after I heard the news.”

“I tried to call you. Pero hindi kita ma-contact.” Ilang ulit sinubukan ni Holly na tawagan ang binata sa

numero nito habang inaasikaso nila ni Aleron ang tungkol sa kasal pero parating unattended ang cell

phone nito.

“Yeah.” Tumango-tango si Cedrick. “Na-snatch ang phone ko. Kailan lang ako nakabili ng bago dahil

marami-rami akong inasikaso. Si uncle pa lang ang nagawa kong tawagan dahil siya lang ang may

numero doon sa ospital na pinanggalingan ko sa Amerika na konektado sa kanya. Sa kanya ko kinuha

ang numero ni daddy. Hindi na mahirap isiping kay daddy nakuha ni tito Alfar ang bagong number ko.

I wanted to call you every single day. But there are things I had to do first before I can do that, before I

can face you because those things in some way, are connected to us. Pero ganito ang nangyari.”

Bumuntong-hininga si Cedrick. “May isang linggo na rin simula nang makabalik ako rito sa bansa.

Paulit-ulit kong inisip kung ano ba dapat ang gawin ko. Binalikan ko ang lahat ng mga lugar na

madalas nating puntahan noon.”

Nagsalubong ang mga kilay ni Holly. “Hindi ko maintindihan. Anong ibig mong sabihin?”

“Mahal kita, Holly. At iyon ang ibig kong sabihin.”

Napasinghap siya. Inabot ni Cedrick ang isang palad niya. “Noong araw na naabutan mo kami ni

Hailey sa bahay, magtatapat na sana ako sa ’yo. Akala ko ikaw ‘yong dumating. Hailey pretended to be Copyright by Nôv/elDrama.Org.

you. When she kissed me, I kissed her back thinking that it was you. And that was my greatest regret.

Sana pala hindi ako nagpadala sa damdamin ko noon.” Natawa ang binata pero mapait iyon sa

pandinig ni Holly. “I was so stupid. I immediately grabbed the chance to kissed you back when I thought

she was you because I thought that was a sign that you loved me, too. ‘Tapos dumating ka.

Ginusto kong magpaliwanag but Hailey blackmailed me. Kung hindi ako papayag na magkaroon kami

ng relasyon, masisira ako lalo sa ’yo at sa mga magulang mo. Posible ring magkalamat ang sitwasyon

ni daddy at ni tito Alfar dahil doon. Damn,” Naihilamos ni Cedrick ang kamay sa mukha nito. “I know I’m

not supposed to say those words. After all, it’s in the past already. It’s also ungentlemanly. Pero

nababaliw na ako.” Itinuro nito ang dibdib nito. “Ang sakit-sakit na kasi dito. Para akong sasabog dahil

ang dami kong gustong sabihin pero hindi ko alam kung paano magsisimula.”

Natulala si Holly. Napatitig siya sa matinding paghihirap sa anyo ni Cedrick. “P-pero bakit naman

gagawin iyon ni Hailey?”

“Because she said she loved me, too.”

Inilahad ni Cedrick kay Holly ang mga nangyari noon rito at kay Hailey. Bumitaw siya mula sa

pagkakahawak ng binata. Pilit na binalikan niya sa isip ang mga naganap noon. Mayamaya ay hindi

makapaniwalang napailing siya. Posible kayang si Cedrick ang dahilan kung bakit hindi sila naging

malapit sa isa’t isa ni Hailey noon? Dahil mga bata pa lang sila, gaya niya ay minahal na rin nito si

Cedrick at nagseselos ito sa kanya?

Naalala niya ang mga naging pagtataray sa kanya ng kakambal ng wala namang dahilan at ang

nahuhuli niyang pag-irap nito sa kanya sa tuwing kasama niya si Cedrick. Nakikipag-unahan si Hailey

sa kanya sa pag-upo sa passenger seat sa tabi ni Cedrick noong sinusundo sila ng binata sa eskwela.

Parati rin itong sumusulpot at nakikisalo sa usapan nila ni Cedrick sa tuwing binibisita siya ng binata

noon. Naalala rin ni Holly ang pamamaga ng mga mata ng kakambal noong araw na umalis ang binata

papuntang Amerika. Ilang araw itong hindi naglalabas ng kwarto nito noon.

Oh, God. Bakit ba hindi niya iyon napansin noon? Siguro ay masyadong natangay ang batang puso

niya ng mga nararamdaman. Ang alam niya lang ay ang kilig at saya sa puso niya. Nakaligtaan niya

nang isipin kung ano ang posibleng nararamdaman ni Hailey. Anong klaseng kakambal siya? At si

Cedrick… napahawak si Holly sa kanyang noo. Kulang dalawang taon din siyang nagpakalunod sa

sakit noon dahil ang buong akala niya ay niloko siya ng binata at pinaasa lang. At ngayon ay

nasasaktan ito nang dahil sa kanya. Hindi niya alam kung ano ang unang iisipin.

Sunod-sunod na malalalim na paghinga ang pinakawalan ni Holly. Bukas na ang kasal niya pero hayun

siya at sinorpresa pa ng mundo. Bigla ay gusto niyang pagsisihan na hindi siya pumayag sa suhestiyon

ng mga magulang na sa mansyon na magpalipas ng gabi kasama ang mga ito. Sa huling sandali ay

ginusto niyang mapag-isa na muna para lasapin ang huling gabi niya bilang dalaga bago niya harapin

ang panibagong kabanata ng buhay niya kasama ang lalaking laman hindi lang ng puso niya kundi pati

na ng mga pangarap niya.

Pero kung kasama niya lang sana ang mga magulang ay alam niyang hindi siya hahayaan ng mga ito

na makausap ng matagal si Cedrick. Hindi sana magugulo ang isip niya. At si Hailey… Muli siyang

napabuntong-hininga. Hindi nila ma-contact ang kakambal. Hindi nila alam kung saan ito hahagilapin.

Si Hailey ang orihinal na gusto ni Holly na maging maid-of-honor sa kasal niya. Pinuntahan nila ito ni

Aleron sa dating apartment nito sa New York pati na sa mga lugar na madalas nitong puntahan noon

pero hindi nila ito matagpuan.

Nagtanong-tanong na rin ang mga magulang niya sa mga kaibigan ni Hailey pero wala ring alam pati

ang mga iyon kung nasaan ang kakambal niya. Nag-aalala na ng husto ang mga magulang. Humingi

na ang mga ito ng tulong ng isang pribadong imbestigador para mahanap si Hailey pero wala pa ring

balita hanggang ngayon.

Nag-aalinlangan na rin noon ang kanyang ina na ituloy ang kanyang kasal, na magdiwang ng

nawawala pa rin si Hailey pero nakahanda na ang lahat. Bukod pa roon ay gusto niya na ring maikasal

agad kay Aleron. Hindi na siya makapaghintay na makasama ang binata. Kaya napagkasunduan nila

na itutuloy pa rin ang kasal at magkakaroon na lang ng ikalawang pagdiriwang sa oras na dumating na

o ‘di kaya ay matagpuan na si Hailey. Si Jazeel ang naging maid-of-honor niya.

Nanlaki ang mga mata ni Holly nang bigla ay lumuhod si Cedrick sa harap niya. Napuno ng

pinaghalong tuwa, awa at sakit ang puso niya. Tuwa dahil hindi naman pala siya niloko ni Cedrick

noon. She was loved by him from the very beginning. Awa dahil sa sitwasyon ng binata ngayon at sakit

dahil sa nalamang pinagdaanan nito at ni Hailey na sa huling sandali ng kunwa-kunwariang relasyon

ng mga ito ay hindi nagawang angkinin ang puso ng binata.

“This is going to be the stupidest and craziest thing I’ll ever say in my entire life. Pero akin ka na lang

uli, Holly, utang na loob. Mahal na mahal kita. Sa akin ka na lang sumama bukas.”

“God, Ceddie.” Nagpapaunawang ikinulong ni Holly ang mga pisngi ni Cedrick sa kanyang mga palad,

iyon ang nakasanayan niyang gawin sa binata noong parati pa silang magkasama. Hindi siya sanay na

makita ang binata na nagkakaganoon. “I’m happy to know that you truly loved me.” Bahagya siyang

ngumiti. “Hindi pala ako nabigo sa unang subok ko sa pagmamahal noon. Nasasaktan ako para sa ’yo,

para sa inyo ni Hailey pero wala akong magawa. It’s Aleron that I love now. And I’m sorry.”

Nag-ulap ang mga mata ni Holly. She didn’t want to break Cedrick’s heart even more but she had to

say those words. “I’m so sorry because after everything that I’ve heard, I’m still going to wake up

tomorrow morning for my wedding. ‘Wag ka nang pumunta bukas. Ayoko na masaktan ka pa lalo. You

are one of the kindest man I’ve ever met, Ceddie. Isa ka sa mga rason kung bakit nakapagsulat ako ng

mga nobela dahil malaking bahagi ka ng inspirasyon ko. At alam ko, sa oras na pakawalan mo ako sa

puso mo, marami ang nakahandang pumila para palitan ako.”

Muling ngumiti si Holly. “Let me go, Ceddie. Free your heart from me. Iyon na lang ang wedding gift mo

sa akin at sa sarili mo. Sa muli nating pag-uusap alam ko, tatawanan na lang natin ang pangyayaring

ito. Sa ngayon, umalis ka na muna, please. Ayokong magkasakitan pa tayo lalo.”

“I love you so much.” Bulong ng binata.

“I know that now.” Mahinang wika ni Holly. Lalong naghirap ang loob niya. “Tama na, Cedrick-“ Nagulat

siya nang abutin ng binata ang batok niya at likod. Bigla na lang siya nitong hinalikan sa mga

labi.